puhhha

Mér gengur alveg fáranlega illa að venja mig af sykrinum og sukkinu, búin að þyngjast óþarflega mikið og hreyfingin er í algjöru lágmarki þessa dagana. 

Reyni mitt besta við að grafa mig út úr þessum vítahring, vona bara að það takist fljótlega.

Er búin að vinna núna í 2 daga og er gersamlega að klepra á þessari vinnu, mikið svakalega ber ég mikla virðingu fyrir fólki sem vinnur og menntar sig innan þessa geira. Fólkið sem sér um gamla fólkið þegar það er gersamlega dottið úr öllu samhengi á sko skilið að fá mikið hærri laun en þau fá fyrir þetta svo rosalega óeigingjarna starf.

En já, þegar ég er komin inn í vinnuna þá vona ég að lífið verði aðeins einfaldara en það er í augnablikinu, ég byrja á að taka lítil skref í áttina að heilbrigðu lífi.

1.skref: Drekka 2-3 lítra  af vatni á dag

2.skref: Sykur verður gersamlega tekin af matseðlinum

3.skref: Grænmetis markmið verður sett, hægt og bítandi ætla ég að koma mér upp í að borða 600 gr á dag

4.skref: Minnka brauð og ost neysluna niður í leyfileg mörk

5 skref: Vera duglegri við að elda heima og búa til nesti til að taka með í  vinnuna.

Einnig ætla ég að reyna að toga mig upp úr þunglyndis grifjunni sem ég virðist vera ansi föst í þessa dagana, hér eru það líka hænuskrefin sem virka:

1. Koma reglu á svefnvenjurnar (á fætur kl 6 og í bólið kl 22 (þegar ég á að mæta kl 7 í vinnuna) Reyna að vakna alltaf á sama tíma og í bólið á sama tíma, það gefur meiri stöðuleika.

2. Koma reglu á matarvenjur og vatnsneyslu.

3. Vera jákvæð, það að vakna og segja “þetta verður góður dagur” getur gert kraftaverk

4. Hreyfa mig, við það að hreyfa sig framleiðir kroppurinn endorfín sem gerir mann glaðari.

Góðar stundir 

tilkynningarskyldan

bara svona að láta vita af mér… er í prófum, ét eins og ég veit ekki hvað, orkulaus og vitlaus.

Verð að vinna á elliheimili hérna í baunalandi í sumar, kostirnir við vinnuna eru að ég bý í næsta húsi og að það er rosalega fín rækt í kjallaranum sem engöngu er fyrir starfsfólk bæjarfélagsins… og ég fæ að vera með og fæ sennilega að halda lykli að ræktinni næsta vetur þar sem ég verð á afleysingarlistanum hjá þeim vúppí, hlakka svo til að komast að lifta aðeins.

Kem fersk í baráttuna aftur eftir prófin, ca 27 júní. 

Vona að ykkur gangi vel

 

Alvaran tekin við

Já, ég vaknaði í morgun og fann að ég er komin með nóg af sukkinu, ég herf ekki fylgt neinu palni síðustu vikurnar og er öll svo útþanin eitthvað og líður bara ekki vel. Farin að sakna grænmetinsins og skipulagsins, búin að lifa á brauði, osti og einhverju svona sem tekur engann tíma. Ég fékk bara nóg af því að vera allllltltttaf að elda.

En nú sjáum við til með öll léttingar loforð þar sem næsta mánuðinn er prófatörn hjá mér en ég ætla mér að halda mig frá sykrinum og halda mig við grænmetið. Fer í 3 próf, þann 5, 15 og 26 júní og svo er bara spurning hvað maður fær að gera í sumarfríinu…. ekki enn komin með vinnu… arrrg.

Læt betur vita af mér áður en langt um líður, 

Baráttu kveðja úr Baunalandi

Á leið til …

… London! Vííí hvað ég hlakka til. 

Er s.s að fara til London að eyða helginni með eiginmanninum og nokkrum góðum vinum. Kem heim sunnudags kvöld.

góða helgi

slönguspil

Hversu oft er hægt að segja á morgun?

Hversu oft er hægt að byrja upp á nýtt?

Hvers vegna gerir maður sér það að detta í það?

Hvenær fær maður nóg og gefst upp?

Verður það einhverntíma að maður nær tökum á þessu, byrjar í síðasta skipti og nær í mark?

Enn og aftur segi ég á morgun.

Tek mig saman í andlitinu og dusta rykið af matardagbókinni.

Nú skal það takast! (sé að það er fullt af heimsóknum hingað inn… ekki vera feimin að kommenta )

á lífi

Langar bara að láta vita af mér… ég er á lífi.

Ég er engan vegin að standa mig í matarræðinu, er alveg að fara að taka mig á. Það er bara búið að vera svo mikið að gera hjá mér á öllum sviðum, skólinn tekur núna allann minn tíma enda mánuður í próf. Fer í 3 próf þessa önnina, sem eru dreifð yfir júní mánuð og enda ég svo í prófi á afmælisdaginn minn, 25.júní. Svo er sumarið framundan og ég ekki komin með vinnu…… puhha, það er margt sem er farið að pressa….

En nú er ég að fara að grilla…. læt heyra frá mér fljótlega …lofa því

Baráttukvaðja frá mér.

Hlaupabólan!

Já ég er komin með hlaupabóluna, samt ekki sko þessa sem ég fékk sem 7 mánaða enda fær maður þá bara einu sinni hihihi.

Ég skrifaði um hlaupa prógammið mitt um daginn, núna er ég sumsé búin með byrjenda prógammið (sem endaði á því að halupa 3×10 mínútur) og nú er ég búin að finna mér framhalds prógramm sem tekur 12 vikur og eftir það á ég að geta hlaupið 10 km eða í ca. klukkutíma…… Hljóp í dag heilar 20 mín án pásu og get sagt ykkur að það er svo góð tilfinning að geta hlaupið smá, hef aldrei getað hlaupið.

Verslaði smá áðan og bara þvílíkt dugleg, bara hollt í körfuna og langaði ekki einu sinni í nammi og kökur hihih, dagurinn er búin að vera voða fínn matarlega og núna er ég að fara að grilla nammmm og svo partí í kvöld þar sem ég er búin að lofa mér að ég meigi drekka smá…. ekki mikið bara smá.

baráttu kveðja

Samviskubit…..

hæ, ég er hérna ennþá og með þvílíkt samviskubit. 

Eftir páskana tókst mér að komast í gang með ddv og gekk vel í nokkra daga og svo var leiðin bara niður á við og ég er búin að berjast við mig síðan. Skil þetta ekki ég á svo erfitt með að rétta úr kútnum. Er barasta að deyja úr nartsýki og ræð ekki við mig. Næ samt að halda í við mig svona inn á milli, borða morgunmat voða hollt svo byrja ég að skrensa í hádeginu (útaf því að ég vakna svo seint að ég næ ekki að búa til nesti og kaupi mér samloku í skólanum…) þá fæ ég svo mikið samvisku bit að ég ætla að sleppa einhverju ávöxtum í staðin og borða þar af leiðandi ekki neitt þangað til voða seint (hef ekki gert ráðstafanir varðandi kvöldmat) og borða einhverja vitleysu…. sem sagt borða ekkert rétt og allt rangt. (ekki nægilega mikið af hollu og of mikið óhollt)

En núna er ég að reyna að synda í land, Pernille (vigtarinn minn) er svo úber næs að það er ekkert venjulegt, það er svo vont fyrir sálina að standa sig ekki.

Reyndar er ég búin að finna fyrir einhverju þunglyndis veseni, voða þung í skapi og erfitt með að gera allt mögulegt og þar með er matarræðið… ætla að leita mér hjálpar vonbráðar, veit bara ekki við hvern ég á að tala hérna í útlandinu. Hef nefninilega verið að baksa í þessu þunglyndi í allt of mörg ár án þess að leita mér hjálpar og nú nenni ég bara ekki meir, líka svona fyrir fjölskylduna að reyna að ná stjórn á geðsveiflunum…..

Jæja en á morgun er nýr dagur og þar sem ég er búin að viðukenna sukkið og vesenið fyrir ykkur þá get ég vonandi byrjað fersk á morgun og nú eru afsakanirnar búnar á geggjað chilli con carne í frystinum og þá er hádeginu bjargað og svo tek ég út steik fyrir kvöldið  nammmm 

Baráttu kveðja úr baunalandi

enn og aftur komin helgi

Vikan gersamlega flaug frá mér, veit ekki hvað gerðist bara allt í einu komin föstudagur. Ég átti að fara í vigtun í gær…. beilaði. Síðustu dagar hafa ekki alveg verið eftir planinu. Ég er búin að vera svona hálf veik….. þoli ekki svo leiðis væl. 

Hausverkurinn var bara svo svakalegur í gær, langur dagur í skólanum og ég orkaði bara ekki lengra en heim og upp í sófa.

Er ekki í blogg stuði en vildi bara láta vita af því að ég er á lífi!! 

sunnudagur til sælu

Þessi vika, þ.e.s. frá miðvikudegi til sunnudags, er búin að ganga eins og í sögu. Steig á vigtina í morgun og 74,5 brosti framan í mig. Sem þíðir að sukk kílóin mín eru að hryna af, 3 kg farin á 5 dögum bara 1.1 eftir, eins gott að það (og meira til) verði farið á fimmtudaginn.Mikið er samt pirrandi að eyða 3 vikum í svona rugl, ég gæti verið komin niður í 70 kg ef það hefði ekki verið fyrir svona frí sukk…. en maður má ekki svekkja sig á þessu. Bara standa upp og halda áfram niður á við.Fékk voða hrós frá bóður mínum í gær, var að senda honum myndir úr ferðalaginu. Hann hafði barasta orð á því hvað ég hefði grennst voða mikið.. allaf gaman að fá hrós. ;) Puhha núna það eina sem kemmst fyrir í hausnum á mér er að mig langar heim til Íslands í heimsókn, hef ekki séð familíuna mína síðan í ágúst, gersamlega vonlaust. Svo endar það sennilega með því að ég verð hérna úti í sumar, að vinna og fer bara örstutt “heim” í frí (þ.e.s. ef maður hefur efni á því..)En súpan eldar sig ekki sjálf, best að malla svolítið.